Pöntun á leiguplássi
Pöntun á leiguplássi skal fara fram í gegnum heimasíðuna
www.fjallageymslur.is. Til að staðfesta pöntun formlega
þarf að millifæra strax og pantað er staðfestingargjald að upphæð 30.000 kr á
reikning 0182-26-412 kt: 500412-0110.
Pöntun telst ekki gild nema staðfestingargjaldið sé greitt. Staðfestingargjald er
óafturkræft. Eftir móttöku á tæki er innheimtur endanlegur geymslukostnaður í
heimabanka að frádregnu staðfestingargjaldi.
Leigutími
Leigutími á hjólhýsum, húsbílum, fellihýsum og tjaldvögnum er frá 1. september til
1. maí eða 20. maí. Fólk getur valið hvora dagsetninguna það vill sækja. Öll tæki skulu
vera komin á staðinn og tilbúin fyrir geymslu í síðasta lagi 30. september nema að um
annað hafi verið samið.
Leigusali sendir leigutaka tölvupóst með nánari upplýsingum um losunardaga, en slæm
veður eða aðstæður geta haft áhrif á endanlega dagsetningu.
Frágangur tækis
Leigutaki ber ábyrgð á fullnægjandi frágangi tækja vegna leigunar. Eftirfarandi atriði skulu uppfyllt:
- Viðkomandi tæki skulu þannig frágengin að ekki hljótist tjón á þeim eða að af þeirra sökum stafi hætta yfir veturinn.
- Ekki má vera leki á olíu eða öðru frá viðkomandi tæki.
- Óheimilt er að geyma gaskúta, og/eða önnur eld- og sprengifim efni í viðkomandi tæki.
- Rafgeymar skulu aftengdir að fullu og helst fjarlægðir úr öllum hjólhýsum og fellihýsum fyrir afhendingu.
- Við afhendingu á húsbýlum eða öðrum ökutækjum skal einnig afhenda lykla að viðkomandi tæki. Rafgeymar verða þá aftengdir áður þegar viðkomandi ökutæki kemur inn í geymsluna.
- Enginn matvæli af nokkurri tegund mega vera í vera í viðkomandi tækjum.
- Salerni ferðavagna og húsbíla skulu tæmd og hreinsuð ásamt því að vera lekalaus.
- Vatnstankar, vatnskerfi og annað sem inniheldur vökva sem getur frosið skal vera tæmt af eigenda fyrir afhendingu.
- Allir gluggar og lúgur á viðkomandi tæki skulu vera lokuð.
- Óheimilt er að geyma þýfi eða ólögleg efni í viðkomandi tækjum. Leigusala er heimilt að gefa lögreglu eða dómstólum upplýsingar um leigutaka sé þess óskað og jafnframt að veita þeim aðgang að viðkomandi tæki óski þeir þess formlega.
- Leigutaki er að leigja í sameiginlegu húsnæði með öðrum og hefur ekki umgengnisrétt að
húsnæðinu á leigutímanum. Ef um er að ræða nauðsynlegar undantekningar frá þessu ákvæði í ljósi verðmætabjörgunar skal leigutaki semja sérstaklega um það við leigusala.
- Sækja þarf ferðavagna eftir samkomulagi í maí. Gegn staðfestingu á eignarhaldi ef leigutaki eða eigandi sækir ekki í eigin persónu.
Ábyrgð og tryggingar
Leigusali ber ekki ábyrgð á þeim tækjum sem eru í geymslu og bendir leigutaka á mikilvægi þess
að viðkomandi tæki sé tryggt á geymslutíma hjá tryggingarfélagi viðkomandi fyrir hverju því tjóni eða
slysi sem viðkomandi tæki getur orðið fyrir.
Leigutaki á ekki kröfu á leigusala vegna bilana á bruna- og öryggiskerfi hússins eða annarra aðstæðna
sem geta komið óvænt eða af óviðráðanlegum aðstæðum upp, sem ekki er hægt að rekja til vanrækslu leigusala.
Leigusali ber ekki ábyrgð á tjónum af völdum náttúruhamfara eða annarra óviðráðanlegra aðstæðna.
Almenn ákvæði
Leigutaki hefur ekki aðgang að geymslunum á leigutíma nema í samráði og undir eftirliti leigusala.
Rísi mál vegna þessa leiguskilmála skal það rekið fyrir Héraðsdómi Suðurlands.
Persónuverndarstefna
Fjallageymslur er umhugað um persónuvernd og öryggi gagna sem fyrirtækið meðhöndlar hvort sem það eru
eigin gögn eða gögn viðskiptavina. Í persónuverndarstefnu fyrirtækisins kemur fram í hvaða tilgangi persónuupplýsingum
er safnað og hvernig farið er með slík gögn. Markmið okkar er að starfsmenn, viðskiptavinir, aðrir viðsemjendur
og einstaklingar séu upplýstir um hvernig fyrirtækið safnar og vinnur persónuupplýsingar.
Ábyrgð
Fjallageymslur vinnur eða meðhöndlar persónuupplýsingar sem fyrirtækið safnar ýmist sem ábyrgðaraðili eða
vinnsluaðili. Fyrirtækið hefur aðsetur að Neðradal, 861 Hvolsvöllur, og er ábyrgðaraðili þeirra persónuupplýsinga
sem veittar eru fyrirtækinu. Hægt er senda skriflega fyrirspurn til fyrirtækisins um meðferð persónuupplýsinga á netfangið
fjallageymslur@gmail.com.
Söfnun og meðhöndlun persónuupplýsinga
Þeim upplýsingum sem fyrirtækið safnar um viðskiptavini er fyrirtækinu skylt að varðveita í samræmi við lög og reglur,
samninga, samþykki hins skráða eða vegna annarra lögmætra hagsmuna ábyrgðaraðila. Fjallageymslur safnar persónuupplýsingum
um viðskiptavini sína í þrennskonar tilgangi; til að veita þeim aðgang að vörum og þjónustu í samræmi við ákvæði skilmála,
til að tryggja að þjónusta sé löguð að þeirra þörfum og til að miðla til þeirra upplýsingum í markaðslegum tilgangi.
Miðlun persónuupplýsinga
Fjallageymslur nýtir aldrei persónuupplýsingar í öðrum tilgangi en þeim sem þær voru safnaðar fyrir. Fyrirtækið geymir aldrei
persónuupplýsingar lengur en nauðsynlegt þykir í samræmi við ákvæði skilmálana. Fyrirtækið miðlar ekki persónuupplýsingum
til þriðja aðila.
Öryggi gagna
Fjallageymslur leggur áherslu á að tryggja að varðveislu persónuupplýsinga sé háttað á öruggan máta. Fyrirtækið tryggir að
viðeigandi tæknilegar og skipulagslegar öryggisráðstafanir séu gerðar til að tryggja mesta öryggi gagna hverju sinni.
Útgáfa persónustefnu dagsett 23. ágúst 2026
